Ave Maria daog dayon

CEBU, Philippines - Milampos ang Ave Maria Sanctuary Park/USJ-R Jaguars ni team owner Raffy Senining pagpakgang sa Construction Services Department (CSD) Builders nga gipangulohan ni Aldrin Ocañada aron pag-iskor og 118-107 nga kadaugan sa pagbukas sa Buanoy Open Basketball Tournament didto sa barangay Buanoy, lungsod sa Balamban, Cebu.

Si Ranulfo Malinao moy nangu sa Ave Maria pinaagi sa iyang 30 puntos, samtang sila si Armand Ponce ug Jabe Delfino nagkumboya og 43 puntos.

Ang pilderong CSD gipangulohan sab ni Ocañada, kinsa mipabuto og 38 puntos.

Ang Buanoy Open gipaluyohan sa Buanoy Sports Commission ubos sa ilang chairman nga si Beth Arnibal.

Ang torneyo mosubay og single round robin format diin ang duha sa unom ka teams ang matagak sa eliminasyon.

Ang kampiyon mobulsa og P50,000 nga ganting salapi.

Puntos Matag Usa

Ave Maria (118) - Malinao 30, Delfino 23, Ponce 22, Estudillo 10, Olvedado 9, Antigua 8, Piodo 7, Latoza 3, Gabas 2

CSD (107) - Ocañada 38, Abatayo 20, Delos Santos 17, Jaca 9, Arnado 6, Sayson 6, Redulosa 4, Mangyao 3, Montalbo 2, Delantes 2. – BANAT NEWS