Kidneycare gilubong

CEBU, Philippines - Ang Gemmary Pawnshop/Ho Tong '70s yano kaayong milubong sa Kidneycare '87, 78-55 sa nagpadayong aksiyon sa University of San Carlos Boys High Basketball Association (USCBHABA) Atan Guardo Barkadahan Cup didto sa USC-North Campus gym.

Kasinatian ug ang kahinog maoy gihimong hinagiban sa Gemmary '70 aron pagposte og siyete puntos nga bentaha paghuman sa unang 10 minutos sa duwa, 19-12.

Gitapos ang halftime pinaagi sa pagrehistro og double-digit nga labaw, 31-20.

Ang Gemmary milusad og laing mapintas nga pangatake aron inaton ang labaw ngadto na sa 17 puntos paghuman sa third quarter, 58-41 sa wala pa nila maangkon ang 23 puntos nga kadaugan.

Ang USCBHABA gipaluyohan sa Uniherb Philippines, usa sa nag-unang health companies sa nasud nga tiggama sa nabantog nga food supplements sama sa Arthro, Kidneycare, Heartvit, Diabet, Eyeberry ug Athan.

Puntos Matag Usa

Gemmary ’70s (78) - Gacayan 21, Villarosa 19, Medina 10, Moriles 10, Rebolido 10, Monterroyo 8

Kidneycare ’87 (55) - Tabares 19, De los Cientos 14, Simene 12, Aluben 8, Honorio 1, Burila. - Yoyo R. Abayan