Hatton bihagon ni Pacquiao

CEBU, Philippines - Nangagpas si Freddie Roach nga bihagon sa iyang boksidor nga si Manny Pacquiao si Ricky Hatton sa ikasiyam nga hugna.

Apan alang ni British trainer Lee Beard, lisud kini mahitabo gumikan kay nagtuo siya nga pakamangon sab sa iyang boksir nga si Hatton si Pacman sud lamang sa unom ka hugna.

Sa mahait nga pamahayag, si Beard nagkanayon nga daghan kaayo siya'g nakitang sipyat sa estilo ni Pacquiao ug 

lagmit palukapahon kini ni Hatton sa ikaunom nga hugna sa gi-atngan nilang super fight karong Mayo 2 didto sa MGM Grand Hotel and Casino sa Las Vegas, Nevada.

"I have been to Pacquiao's gym and watched him train a couple of times and he makes lots of mistakes, mistakes that he also makes in fights. All fighters make mistakes but you have to be able to capitalise on them mistakes, for example against Mayweather Ricky couldn't capitalise on the mistakes Floyd was making," matud pa ni Beard segun sa taho sa telegraph.co.uk.

"In this fight I believe that Manny will make the same mistakes as normal and Ricky will capitalise. If Ricky does get his shots off when these mistakes are made this fight could be a lot easier for Ricky than people think," dugang pa niya.

Matud pa ni Beard nga bisan og haom pa si Pacquiao nga mokumbati ubos sa light welterweight division, mas gamay kini kun itandi ni Hatton.

Hinuon mipakita og respeto si Beard sa kaabtik ni Pacquiao.

Kun kusog maoy hinungdan, gipasigarbo ni Beard nga seguradong makurat unya si Pacquiao sa higayon nga maigo sa kumo ni Hatton. Gani, wala pa hatagi niya og bili ang impresibong kadaugan ni Pacquiao batok ni boxing great Oscar de la Hoya sa miaging tuig.

Sa laing bahin, si Beard mipahibawo nga si undefeated world featherweight champion Edwin Valero maoy labing kuwalipikado aron mamahimong sparring partner ni Hatton gumikan

sa estilo niini nga haom kaayo aron pakigbatok ni Pacquiao.

"I think the only one that's near to Pacquiao in terms of style is Edwin Valero and that's who I'd like to see us get in. I think that if you can adjust to him then its the closest thing you can get to Pacquiao and his record would suggest he hits as hard if not harder than Manny," matud pa ni Beard.

Apan bisan og masaligon kaayo siya sa abilidad ni Hatton, si Beard mi-angkon nga makuyaw nga kontra si Pacquiao ug kinahanglan nga dobleng preparasyon ang pagahimuon ni Hatton aron dili maigo sa katalagman. – BANAT NEWS