Vernel, Colveta mikulit og daog

Cebu - Mirehistro og laing daog ang Team Vernel ug Sitio Colveta batok sa ilang tagsa-tagsa ka kaatbang aron matabla ang ilang win-loss records ngadto sa 3-1 sa Better Run Basketball Association (BRBA) Sinulog Cup niadtong Domingo didto sa Ma. Gochan Sports Complex sa Brgy. Mambaling, ning siyudad.

Ang kanhi UV Lancers ug beteranong commercial player nga si Danny Duran daku'g natabang sa Vernel pagkutlo og 86-71 nga kadaugan batok sa Conor, samtang ang Sitio Colveta mikuso-kuso sa Left-Over sa iskor nga 100-89.

Sa main game, ang Cavs mikunis-kunis sa Bucks sa iskor nga 95-63.

Lima ka players sa Vernel ang mi-iskor og double figures nga gipangulohan pagtimon ni Mon Ceballos kinsa miposa og 20 puntos, samtang si Michael Arias midugang og 13 puntos.

Si Egang Tabalin mipupo og 19 puntos ug si Junrey Ledesma miani og 17 puntos alang sa Conor.

Sa laing bahin, si Walas Vergara mipabuto og 31 puntos, gisundan ni Tikboy Tradio kinsa mikimada og 30 puntos, si Walas Vergara mikamada og 30 puntos alang sa Colveta.

Ang Left-Over gipangulohan nilang Dodong Millior ug Tata Salasa. Si Millior mibahog og 28 puntos, samtang si Salasa mitampo og 26 puntos.

Si Ruel Sestoso mi-iskor sab og 30 puntos aron pangulohan ang Cavs sa ilang kadaugan batok sa Bucks.

Puntos Matag Usa

Unang duwa:

Vernel (86) -- Ceballos 20, Arias 13, Carcueva 12, B. Tabalin 12, Campos 10, Gador 5, Duran 4, Villarta 4, Dimitiman 2, Martillan 2, Cuizon 2

Conor (71) - E. Tabalin 19, Ledesma 17, Ocañada 7, P. Tabalin 7, Romeo 6, Cabusas 6, Unabia 4, Pumareja 3, Hamis 2

Ikaduhang duwa:

Colveta (100) - Vergara 31, Tradio 30, Rentuma 10, Abrera 8, Quiño 5, Garcia 4, Taboada 2, Zandry 2

Left-Over (89) - Millior 28, Salasa 26, Cañete 11, Llamado 8, Fernandez 5, Cabreros 5, Valle 4, Manguinsay 2

Ikatulong duwa:

Cavs (95) - Sestoso 30, Arong 19, Delos angeles 12, Miego 11, Gador 8, Sarabia 7, Pacunla 6, Manzano 2

Bucks (63) - Alba 15, Ladonga 15, Pacubas 9, Ebo 9, Sasan 8, Omeres 5, Ramirez 2. – BANAT NEWS