Cebu Niños ikatulo sa Ilocos Leg sa 2009 Smart Liga Pilipinas

CEBU - Ang M. Lhuillier-Cebu Niños maoy miangkon sa ikatulong dapit human ilang gimasaker ang host Ilocos Sur Bravehearts, 80 sa Ilocos Leg sa 2009 Smart Liga Pilipinas Conference II niadtong Sabado sa gabii didto sa Santo Domingo People's Center sa Santo Domingo, Ilocos Sur.

Mao kini ang labing unang higayon sa kasaysayan sa Liga nga ang Cebu Niños pakyas pagdaog og leg championship human mihipos sa ilang upat ka leg assignments sa miaging conference.

Si Woodrow Enriquez maoy nangulo sa Cebu Niños pinaagi sa iyang 16 puntos, lima ka rebounds ug lima sab ka assists, gisundan ni Bruce Dacia nga miabuno og 13 puntos.

Sila si Elbert Alberto ug Ismael Junio mao sab ang nangulo sa pilderong Iloilo Bravehearts parehong mirehistro og 11 puntos.

Sa laing bahin, ang Smart-Pampanga Buddies maoy milangkat sa korona sa ilocos leg human gilatigo ang Trace-Laguna Stallions sa overtime, 82-77.

PUNTOS MATAG USA

CEBU (80) - Enriquez 16, Dacia 13, Basco 9, Cainglet 9, Capati 8, Padilla 7, Ababon 6, Rodriguez 4, Aying 4, Cavan 2, Mepana 2

ILOCOS (63) - Alberto 11, Junio 11, Baluyot 10, Cruz 10, Gonzales 7, Santos 4, Ton 3, Martinez 2, Valderama 2, Arce 2, Yambao 1   (BANAT NEWS)