Katsidis-Ramirez fight anhi sa Sugbu
CEBU - Ang gikasangka ni Czar Amonsot nga si Michael Katsidis mo-anhi sa Sugbu aron sangkaon si Angel 'El Tren' Ramirez alang sa bakanteng World Boxing Organization (WBO) Asia Pacific lightweight title karong Enero 31 sa Cebu Coliseum.
Laing tulo ka boksidor ang modepensa sa ilang regional title batok sa Thai nga kaatbang nga magsilbeng undercard.
Si undefeated WBO Oriental junior lightweight champion Anthony 'Rocky' Marcial (11-0, 10KOs) moharong ni Vacharakit Senayan (11-0, 7 KOs).
Mo-away usab sa maong card ang way pilding si Ciso 'Kid Terrible' Morales (12-0, 8 KO’s) nga modepensa sa iyang WBO Oriental junior featherweight title batok ni Pitchitchoke Singmanasak (14-7, 8 KO’s) samtang si WBO Asia Pacific Youth flyweight champion Marvin 'Marvelous' Sonsona makigsangka ni Liempetch Sor Veerapol. (BANAT NEWS)
- Latest
- Trending
