CEBU - Miugkat og managlahing kadaugan ang Swerte sa Trece ug Granite Industrial Corporation sa 2008 Allied Bank Christmas Basketball League didto sa Our Lady of Sacred Heart Parish gym sa dalan Escario, ning siyudad.
Ang Swerte sa Trece nidaog human nila maapsi ang Firstank sa ilang kulbahinam nga duwa sa iskor nga 65-64, samtang ang Granite Industrial Corp. mi-iskor og 59-49 nga kadaugan batok sa Glorious Auto Supply.
Si Kim Noel maoy daku'g nakuhang iskor sa Swerte sa Trece nga miantog og 22 puntos, samtang si Henry Mancera maoy nangulo sa naparot nga Firstank nga miposte og game-high 29 puntos.
Sa laing bahin, si Heintjie maoy nangulo sa Granite Industrial Corp. pinaagi sa iyang 18 puntos, gisundan ni Mookie Romo, kinsa miabuno og 15 puntos.
Ang pilderong Glorious Auto Supply gipangulohan ni Dennis Ho, kinsa mibahog og 14 puntos.
Puntos Matag Usa
Unang duwa:
Swerte sa Trece (65) - Noel 22, Tapul 15, Chan 13, Trece 6, Lopez 5, Baldoza 4
Firstank (64) - Mancera 29, Añora 13, Yu 8, Benatiro 6, Sogue 4, Cenita 2, Red 2
Ikaduhang duwa:
Granite Industrial CoRp. (59) - Heintjie 18, Romo 15, Lestino 12, Sanico 5, Del Rio 4, Ampit 3, Ong 2
Glorious Auto Supply (49) - Ho 14, H. Ong 9, K. Tee 8, To Chip 8, Lee 5, Barretto 3, Gaw 2. – BANAT NEWS