Poblacion Oriental, Lamac, Pitogo miposte'g daog

CEBU - Ang Poblacion Oriental ug Lamac miratsada pagsugod sa duwa aron pagpukan sa ilang tagsa-tagsa ka kaatbang sa nagpadayong aksiyon sa 2008 Consolacion Fiesta Cup Inter-Barangay Basketball League didto sa Consolacion Sports Complex.

Usa sa mga top favorite sa maong liga nga mao ang Poblacion Oriental milubong sa Lanipga, 102-85, samtang ang Lamac milubong sab sa Polog, 99-68.

Sama sa gihapon, ang managsuong Malagar maoy nangulo sa opensiba sa Poblacion Oriental. Si Louie Malagar mipabuto og 21 points, samtang ang igsuon niini nga sila si Elbert, Landy ug Lemer nagkumboya og 42 puntos alang sa kadaugan.

Sa laing bahin, ang Pitogo miposte sab og daog batok sa Danglag sa iskor nga 89-82.

Ang tulo ka bulan nga torneyo nga usa sa mga kalingawan sa tinuig nga kapistahan sa Consolacion karong Oktubre 29, gipasiugdahan ni Consolacion Vice Mayor Ember V. Alinsug uban sa suporta ni event coordinator ug Consolacion barangay councilor Paul Alelu V. Flores, ang magduduwa kanhi sa Far Eastern University (FEU) Tamaraws sa UAAP.

Puntos Matag Usa

Unang duwa:

Pitogo (89) -- Borja 27, Tranja 24, Legaspi 11, Colantro 8, Villanueva 7, Pepito 6, Ikid 2

Danglag (82) -- Inteligando 16, Pepito 14, Linao 13, Tundag 12, Patigayon 9, JR 6, Cavan 4, Jabla 2

Ikaduhang duwa:

Lamac (99) -- Omolon 29, Espinosa 14, Ylaya 13, Toring 11, Hatague 10, Barebe 8, Potencioso 6, Llera 5, Demape 3

Polog (68) -- Sison 24, Flores 19, Branzuela 12, Godinez 7, Mangilaya 4, Cuyos 2

Ikatulong duwa:

Poblacion Oriental (102) -- Lo. Malagar 21, Valle 16, Orbeta 15, E. Malagar 15, Lon. Malagar 14, Le. Malagar 13, Rodovia 11, Cañete 10, Gerundio 5

Lanipga (85) -- Jurado 24, Cutab 21, Tagalog 10, Villaruel 9, Alejandro 8, Cabatingan 8, Cantago 5. – BANAT NEWS