CEBU - Andam na ang tanan alang sa pagpahigayon sa Vice Mayor Ember V. Alinsug 3-on-3 basketball tournament nga sugdan karong Sabado diha sa Consolacion Sports Complex.
Ang duha ka adlaw nga torneyo adunay tulo ka kategoriya - ang 22-under- 39-under ug 40 above.
Ang 22-under ug 39-under tigian karong Sabado, samtang ang 40-above himuon sa Domingo.
Dul-an sa P20,000 nga ganting salapi ang giandam alang sa nag-unang tulo ka mga mananaog sa nagkadaiyang age classification.
Ang matag team langkuban og upat ka magduduwa.
Libre ang registration niini. Niadtong buot interesadong mosalmot sa kompetisyon largo lang sa nahisgutang binyu. – BANAT NEWS