CEBU – Gikoronahan nga bag-ong International Boxing Federation/ International Boxing Organization (IBF/IBO) light heavyweight champion si Chad Dawson (27-0, 17 KOs) dihang iyang gipukan ang kanhi three-time world champion nga si Antonio Tarver (27-5, 19 KOs) pinaagi sa unanimous decision atol sa ilang away niadtong miaging adlaw didto sa Pearl at the Palms Casino and Resort, Las Vegas.
Ang 26-anyos nga si Dawson mipatigbabaw batok sa beteranong si Tarver sulod sa 12 ka round sa ilang binukbukay.Tungod sa gipakitang kabangis ni Dawson, tulo ka mga judges sa maong away ang mipabur ngadto kaniya sa scorecard ; 117-110, 117-110 ug 118-109. Usa usab ka makasug nga right jab ang gipahagsa ni Dawson sa nawong ni Tarver nga maoy hinungdan sa pagkatumba niini sa nahibiling 2:11 sa final round.
Human sa maong kadaugan, dili lang duha ka world title ang nasakmit ni Dawson apan lakip na niini ang respeto sa mga ngilngig nga boksidor nga susama niya’g timbang nga sila si Bernard Hopkins, ug Roy Jones Jr. ug Joe Calzaghe . – BANAT NEWS