Gold, Black, White teams midaog

CEBU - Pulos mikulit og daog ang Gold, Black ug White teams sa una nilang duwa sa 28th season sa Still Fighting Athletic Association (SFAA) Inter-Color basketball tournament niadtong Domingo didto sa CEC open court sa dalan Dimasalang, ning dakbayan.

Ang Gold cagers mipukan sa Blue sa iskor nga 83-70, samtang ang Black nga gipangulohan ni Jun Seno sa iyang 13 puntos midaog batok sa Red, 76-67.

Sa main game, ang White milubong sa Green, 93-70.

Si Tony Piloton nipakita sa iyang katakus aron giyahan ang Gold team sa iyang 19 puntos uban ang 12 ka rebounds ug duha ka blocks.

Ang playmaker nga si Jun Ando mitampo og 12 puntos, samtang sila si Jun Cleofe, Tata Ponseca ug Nestor Casquejo miamot og 10 puntos matag usa alang sa Gold.

Si John Viscayno mi-iskor og 19 puntos aron pangulohan ang Blue team.

Ang White nga milabaw sa pinuntosay batok sa Green, 24-12 sa first period gipangulohan ni Buddy Emol sa iyang 24 puntos, gisundan ni Andot Ladonga nga miamot og 17 puntos, samtang ang pilderong Green   gipangulohan nilang Archie Sabellano ug ni Denie Pesquera.

Si Sabellano mihipos og 24 puntos ug si Pesquera mihakot og 16 puntos.

PUNTOS MATAG USA

Unang duwa:

Gold (83) -- Piloton 19, Ando 12, Cleofe 10, Ponseca 10, Casquejo 10, Abonitalla 6, Dejaresco 6, Elizondo 4, Padillo 4, Panugaling 2, Gelig 2

Blue (70) -- Viscayno 19, Pitogo 13, Estrada 10, Edullantes 7, Ladonga 6, Ashier 4, D. Abanes 3, T. Abanes 2, Torrepalma 2, Gallardo 2, Kue 2

Ikaduhang duwa:

Black (76) -- Seno 13, Tan 12, Misa 12, Edera 11, Dayondon 7, Ocampo 6, Kyamko 4, Lopez 4, Lumayag 4, Mata 3

Red (67) -- Batad 18, Limatog 12, Sacol 10, Retuya 10, Yu 7, Torreon 6, Bongon 4

Ikatulong duwa:

White (93) -- Emol 24, Ladonga 17, N. Sabellano 14, Cabangbang 8, Padin 8, Lipua 6, Godinez 5, Castañares 4, Nalayog 4, Rebuya 3

Green (70) -- A. Sabellano 24, Pesquera 16, Sagayno 8, Ladonga 6, Batad 6, Unabia 4, Espina 4, E. Batad 2  (BANAT NEWS)