Tabar bayani sa Tabunok 2 sa Talisay Mayor's Cup

CEBU - Giluwas ni Reymond Tabar ang iyang koponang Tabunok 2 pinaagi sa pagpukan sa Tabunok 1, 88-85 sa senior's division sa Talisay City Mayor's Cup 2008 basketball tournament sa miaging gabii didto sa Talisay City Sports Complex.

Miagi una sa makutas nga kumbati ang Tabunok 2 sa wala pa nila malumpag ang ilang igsuong koponan.

Ang Tabunok 1 miabante og singko puntos, 85-80 sa katapusang 32 segundos sa final quarter, apan si Tabar mitusak sa iyang 3-point shot.

Dihang ila sa Tabunok I ang ball position, si Tabar naka-steal ug mi-drive ug nakakubit pa kini og foul. Ang 3-point play ni Tabar maoy nakapalabaw sa Tabunok 2, 86-85 sa nahabiling 18 segundos. May purohan pa unta nga modaog ang Tabunok dihang ilang ball position, apan si Tabar nakailog na sab sa bola gikan ni Jefferson Pria ug iyang gipasa ngadto ni Mark Echavez kinsa mihimo og easy lay-up.

Sa duwa sa SK division, ang Pooc mikulit og daog pinaagi sa pagpilde sa San Isidro sa iskor nga 68-65.

 Si Fritz Barcelona kinsa mibugha og 15 puntos maoy nangulo sa Pooc, samtang ang pilderong San Isidro ni Arvin Cañeda sa iyang 12 puntos.

Sa laing duwa sa SK division, nakatilaw na gyud og daog ang Biasong gikan sa mga kamot sa Maghaway sa iskor 55-52.

PUNTOS MATAG USA

Unang duwa:

(SK Division)

Pooc (68) -- Barcelona 15, Juniel Obeso 14, Resuena 7, Jimboy Obeso 6, Balorio 6, Abella 6, Cabriles 5, Muana 4, Bucog 2, Abarquez 2, Tura 1

San Isidro (65) -- Cañeda 12, Salazar 10, Omambac 8, Olazo 6, Navaja 6, Balabat 6, Kho 6, Las Piñas 6, Rosales 2, Laroa 2, Villagonzalo 1

Ikaduhang Duwa:

Biasong (55) -- Padillo 16, Labriaga 14, Santos 9, Bato 8, Bas 6, Zafra 2

Maghaway (52) -- RA Mondido 30, Najaro 8, General 4, Lim 4, Labador 2, J. Mondido 2, Maranga 2

Ikatulong Duwa:

(Senior’s Division)

Tabunok 2 (88) --Tabar 20, Alferez 17, Jagupit 12, Sunga 11, N. I. Rabaya 9, Caparida 7, Litorja 6, Echavez 4, C. E. Rabaya 2

Tabunok I (85) -- Meting 17, Rios 12, Navaja 11, Apa 11, Pria 10, Ylaya 7, Bucao 7, Popoy 5, Dablo 4, Econas 1  (BANAT NEWS)