3 ka Pinoy nga boksidor nangharus sa Australia

CEBU - Nagmalampuson ang boxing bouts sa tulo ka Pinoy nga gipahigayon didto sa Sydney, Australia.

Ang 27-anyos nga si Danilo Lerio (15-2-1, 4 KO’s) nga maoy nakadaug alang sa main event aron masakmit ang Australian flyweight title diin iyang gipukan ang inilang knockout artist gikan sa Thailand nga si Nuapayak Sakkriprin (7-3—1, 7 KO’s).

Samtang laing Pinoy nga nidaug mao si Ernie Gonzales Jr. dihang iyang gipukan si Jerry Spanidis pinaagi sa 6 rounds unanimous decision.

Tungod sa maong kadaugan, nisaka iyang rekord sa 4-2-1 uban ang 3 ka knockouts.

Wala usab magpaulahi ang ikatulong Pinoy nga si Roberto Lerio.Ang 22- anyos nga si Lerio, nidaog batok sa iyang kontra nga si Kartu Arang gikan Papua New Guinea pinaagi sa Technical decision.

Impresibo ang gipakita sa tulo ka boksidor nga maghatag napud og maayong dungog sa atong nasud. – BANAT NEWS