Globe Osam, Thirsty mitamparos sa kontra

CEBU - Ang Globe Osam ug Thirsty Juices and Shakes mitamparos sa ilang tagsa-tagsa ka kaatbang sa 7th Thirsty Hoop Jams basketball tournament didto sa BRIGHT Academy gym sa barangay Banilad, ning siyudad.

Si Jake Villaver mikadlit og 12 puntos ug laing tulo ang mitimang og double figures alang sa Globe Osam nga nimasaker sa NEC Telecom, 90-61, samtang sila si Stanley Mahinay ug Jade Ursal nagkumboya og 38 puntos aron pangulohan ang Thirsty sa pagbuntog sa Protrade, 66-55.

Si Albert Villaver mitampo og 11 puntos, samtang sila si Nestor Bardillas ug Winsley Belleza miamot og 10 puntos matag usa alang sa Globe Osam nga mitapos sa first half sa iskor nga 46-27.

Ang Globe Osam nga wala makontento sa ilang labaw mihinay-hinay og lubong sa Protrade hangtod nga naangkon ang 29 puntos nga kadaugan.

Si Ronald de Castro maoy topscorer sa NEC Telecom pinaagi sa iyang 14 puntos.

Sa laing duwa, ang Thirsty ni Charlie Pages mikontrolar sa tiyempo gikan sa pagsugod ug wala na kini molingi human miposte og siyete puntos nga bentaha, 18-11.

 PUNTOS MATAG USA

Unang duwa:

Globe Osam (90) – J. Villaver 12, A. Villaver 11, Bardillas 10, Belleza 10, Tabay 9, Languido 8, Gera 8, Abasolo 7, Atillo 6, Tiu 3, Casino 2, Bernardino 2, Puyat 2

NEC Telecom (61) – De Castro 14, Cabigon 13 Pinzon 10, Tabada 6, Carvajal 5, Bibera 4, Florendo 3, Capa 2, Teh 2, Taboada 2

Ikaduhang duwa:

Thirsty (66) – Mahinay 20, Ursal 18, Gaviola 12, Nagulada 7, Pages 5, Raden 2, Jabon 2

Protrade (55) – Cuizon 11, Bate 10, Jumola 9 Jabonite 8, Calunod 6, Hongkiangko 5, Barrientos 2, Pepito 2, Quiambao 2  (BANAT NEWS)