Ave Maria, MCA miposte duha ka sagunsong daog

CEBU - Ang Ave Maria Sanctuary Park ug Mabolo Christian Academy miugbok sa ilang ikaduhang sunod-sunod nga kadaugan sa 6th M. Lhuillier Kwarta Padala Under-21 Developmental Basketball League didto sa Consolacion Sports Complex.

Ang Ave Maria Sanctuary Park ni coach Marlon Piodo milusad og makalisang nga pangatake aron ilubong ang University of Southern Philippines Foundation (USPF) Baby Panthers, 89-58, samtang ang Mabolo Christian Academy gipaningot pa’g bogbog una nila maangkon ang 85-81 nga kadaugan batok sa RemEmber.

Naglabaw og nuybe puntos sa first half, ang Ave Maria Sanctuary Park milusad og 29-12 nga rally sa third period nga nakapaburot og maayo sa labaw, 66-40 ug nakapatay sa Baby Panthers.

Sa laing duwa, ang Mabolo Christian Academy miratsada human magtabla, 18-all sa first quarter aron pagbaton og siyete puntos nga bentaha, 46-39 sa halftime. Ang Mabolo miinat sa ilang labaw ngadto sa 10 puntos, 65-55 hinungdan nga nagkapandol og ginukod ang RemEmber ni Consolacion Vice Mayor Ember V. Alinsug ug Poblacion Oriental barangay councilor Paul Alelu Q. Flores nga napilde lang og kuwatro puntos.  

PUNTOS MATAG USA

Unang duwa:

Ave Maria (89) - Montenegro 19, Trillo 11, Abing 11, Obedado 10, De la Rama 8, Pacino 8,

Senining 6, Semblante 4, Senining 4, Villarin 4, Sayman 2, Igonia 2

USPF (58) - Cabahug 17, Provido 11, Cabahug 9, Antolijao 8, Omolon 4, Santos 4, Zambo 2, Araño 2, Diapera 1

Ikaduhang duwa:

Mabolo CA (85) - Orbeta 26, Rodavia 21, Olivares 15, Dajalos 7, Olita 5, Barte 4, Tabaquero 3, Herbabuena 2, Oyao 2

RemEmber (81) - Valle 28, Dahil 11, Dumaguit 11, Ermac 9, Gonzaga 9, Tudtud 5, Pilapil 4, Tibon 2, Medida 2 (BANAT NEWS)