J-Art nataghapan sa G&S

Hitaghapan gyud sa G&S International ang mas lig-on nga J- Art, 104-99 sa overtime atol sa wildcard phase sa Guadalupe Athletic Association (GAA) 9th Founder’s Cup basketball tournament didto sa Guadalupe Sports Complex.Si Don Guillen mipasulod og krusyal nga jumpshot sa katapusang otso segundos aron tablahon ang iskor sa 89-all nga miresulta sa overtime.

Si Guillen, uban nilang Jumie Ararao ug William Jabines, nagkumboya og mga krusyal nga puntos sa overtime period ug na-outscored ang J-Art, 15-10 aron pag-angkon og singko puntos nga kadaugan.

Si Ararao, kanhi CIT Wildkitten, maoy nangu sa G&S sa iyang 26 puntos, samtang sila si Jabines ug Guillen nga daku kaayo’g natampo sa opensa adunay 17 ug 13 puntos.

Sa laing duwa, midaog ang McMill Enterprises batok sa Agencia Grande, 85-81 pinaagi sa pagpangulo ni Shawin Jacalan kinsa miwadwad og 35 puntos, gisundan ni Arvin Vertudazo sa iyang 17 puntos.

Ang pilderong Agencia Grande gipangulohan ni kanhi-USJ-R Jaguar point guard Allan Ricaña sa iyang 22 puntos.

Ang MGR miihaw sa Tigers, 100-79, samtang ang Evan Hulga Hardware ni Raul Hulga milanlan sa Pan Borikat, 83-65.

G&S (104) -- Ararao 26, Jabines 17, Guillen 13, Ladandero 13, Matudan 10, B. Miñoza 9, Ladaran 8, Suan 4, L. Minoña 2, Segura 2

J-Art (99) -- Noel 46, Alesna 18, Felicitas 11, Barriors 10, Tancio 8, Rosales 2, Caliso 2, Dela Torre 2

McMill (85) -- Jacalan 35, Vertudazo 17, Granada 8, Lanurias 8, Galan 6, Tancio 5, Llevado 4, Baran 2, Japitan 2

A. Grande (81) -- Ricaña 22, Capili 15, Lorenzana 8, J. Tablada 8, Fernando 7, Sormillon 7, Du 6, B. Tablada 4, Ongayuren 4

MGR (100) -- Posadas 25, Escuyos 18, Gabunada 17, Capili 12, Mijares 12, Inocian 10, Lumapas 4, Pedrosa 2

Tigers (79) -- Arhla 25, Enriquez 15, Ramirez 12, Lawrence 12, Alvarez 8, Superales 4, Encabo 3

E. Hulga (83) -- Mabatid 23, Belmonte 20, Cabanilla 14, Albia 9, Barellano 6, Villahemosa 5, Sullano 4, Abella 2

Pan Borikat (65) -- Gabutan 12, Gabisay 11, Panuncialman 10, Dayojo 10, Tinapay 8, Dela Cerna 7, Bacatan 6, Amper 2