Navales misakmit sa kampiyonato Talisay City Chess Tournament
Milampos ang batang chess player nga si Dennis Navales sa paglangkat sa kampiyonato sa gipahigayong Talisay Chess Monthly Tournament niadtong miaging adlaw didto
Si Navales kinsa mao usab ang usa sa mga finalist sa miaging junior Shell chess competition mipukan sa laing 38 ka mga chess player pinaagi sa pagrehistro og 6.5 puntos human sa pito ka round nga milungtad og 30 minutos
Samtang si Rey Baylosis nga adunay 6 puntos nagsunod kang Navales nga maoy misakmit sa 1st runner -up, si Robert Quiros nga adunay 5 puntos mipahimutang sa 2nd runner-up. Samtang ang 15 anyos nga si Yves Fiel mitabla sa iskor ni Quiros nga adunay 5 puntos apan natagak kini sa 3rd place tungod sa ubos niini nga tie-break points.
Sa ilang bahin, ang Talisay City Chess Club nga gipangulohan ni Atty Richard Abangan mopahigayon og laing torneyo karong umaabot nga Septiyembre 20-21, ang mga batang 12 anyos paubos nga gustong mo-apil sa maong torneyo dili na kinahanglang mobayad pa og registration fee ug gituyo kini aron sa paghatag og kahigayonan sa mga bata aron malambigit og mabansay sa duwa nga chess.
Ang maong chess tournament gipasiugdahan nila ni Atty Richard Abangan, Atty Jongjong Melendrez, Capt. Merc Fernandez, Engr. Matias B. Aznar III, David Garces, Jojo Paredes, Rafael Perez, RB Carmen uban sa suporta sa Pepsi-Cola.
- Latest
- Trending
