Ang balhibo sa manok maoy gahatag og dugang kaanyag hilabi na kun kini hitsas sa tanang parti sa iyang lawas, gikan sa tam-buhok, lagpak sa pako o dagang sa lawas hilabi na ang balhibo sa ikog niini kay mao kini mobalansi sa iyang tibook lawas kun kini makig-away sa itaas mutabang sab kini panahun sa iyang pagtogpa sa yuta aron dili malup-og ug maka follow up sa iyang pag-ataki sa kaatbang. Dako og papel ang balhibo sa manok sa sultada kay usa usab kini sa gamiton sa manok aron pagpanalipod sa ataki sa kaatbang, usahay mabatyagan nimo pagkahuman sa sultada nga nangatabtab ang pako sa imong manok naigo kini sa tari kay maoy iyang gipanagang sa ataki sa kaatbang.
Ang manok nga hitsas sa balhibo nagpasabot usab kini sa iyang kundisyon kay ang manok nga maayo ang lawas sinaw og balhibo, naghatag usab kini og timailhan sa iyang blood line nga gigikanan madirasa man o high breed sa balhibo nimo kini masinati adunay kupkup nga balhibo malimbongon kini kay gamay kun tan-awon apan kun imong mahikap dako diay kini dili susama sa mga labung og balhibo daw dako tan-awon. Ang balhibo nga nahimutang sa pako o dagang maoy mudala sa manok sa taas hilabi na kun kini hitsas pabor sa sultada ang manok nga ana kanunay sa itaas ang pakig-away kay sa ubos ang away, mas maayo man gani nga imong putlan ang dagang kun kini nagpangidaron pa og duha o ngadto sa tulo ka bulan kay makatabang kini pagpalig-on sa iyang kaunoran sa pako.
Ang manok nga hitsas sa balhibo hilabina kun kini maayo nga pagkagalam sinaw kini nga tan-awon ug usa usab kini nga timailhan sa sultada nga gina-am gyud ang maong manok ug dili madalidali og kapukan sa balhibo usab nimo makita ang kalidad sa manok. Ang pag pangilis sa balhibo sa manok o pangarol sagad kausa kini sa usa katuig anaay tagsa ang pagpanaktak ug paghulip niini kini mahitabo sa mga bulan sa Hulyo hangtod na sa bulan sa September mao nga karon nga panahuna tagsa ra kaayo ang imong makita nga hitsas sa balhibo, mao sab karong panahuna nga minus ang manok didto sa Negros kay tingpangarol man lagi.
Kun aduna ka may makita nga hitsas sa balhibo kini matanga sa sunoy nga manok katong wala pa ka abot og tuig gani nagsingabot na man ang bakbakan karong Nobembre umaabot dinha sa Gallera de Mandaue himoon ang elimination round kay ngadto sa kaulohan pagahimuon ang championship match. Usa sa ilhanan ang balhibo sa manok sa iyang pangidaron kay dili man magsusama ang manok nga sunoy kay sa gulang dako og kalainan ang ilang lagpak sa balhibo bisan unsaon pa kini og gunting o di kaha putol og liha sa tahod ang balhibo sa manok dili magluib sa iyang pangidaron.
* * *
Akong pasalamat sa kang Bos Denal sa Juscar Taxi ug ni Bos Peter Corominas sa R.P. taxi sa ilang makataohanong batasan dili nako hikalimtan boss daghang salamat more power and good health, ug hilabi na sa akong pinanga nga si Geraldin R. Batiller…
* * *
MANOK DEBWENAS
BALHIBO: Banogon
BULOK SA TIIL: Dark
Sa inyong sugyot ug pangutana palihug sa pag text sa 09192988988 o sa pag email sa sultada.abano@yahoo.com