Hulga hitapsingan sa SPA

Gipatapsingan sa Sign Post Advertising ang Evan Hulga Hardware ni Raul Hulga sa iskor, 97-96 pinaagi sa split charities ni Noel Celestial sa naghinapos na ang duwa sa nagpadayon nga Guadalupe Athletics Association (GAA) 9th Founder’s Cup basketball tournament kaniadtong Domingo didto sa Guadalupe Sports Complex. Wala’y bisan usa nga gusto mamilok tungod sa kasikit sa duwa nga nagligas lang tungod sa usa ka free throw nga napasulod ni Celestial kinsa mipuntos ug 15 alang sa Sign Post. Ang Sign Post gipangulohan ni Nido Mercader kinsa mikamada og 37 puntos.

Si Gaga Cabanilla nga kanhi coaching staff sa Skygo sa CBF, maoy nangu sa Evan Hulga sa iyang 22 puntos samtang si Oliver Belmonte may 21 puntos.

Sa laing duwa, na-upset sa G&S International ang Agencia Grande sa iskor  82-77 sa ilang duwa nga milanat og overtime.

Samtang naka-abante ang G&S tungod sa maong kadaugan, milagpot na ang Agencia Grande.

Puntos kada usa:

Sign Post (97) — Mercader 37, Celestial 15, E. Retiza 14, Ariosa 14, Francisco 10, Codilla 5m M. Retiza 2 E.

Hulga (96) — Cabanilla 22, Belmonte 21, Mabatid 20, Hulga 8, Albia 8, Abella 4, Barellano 4, Villahermosa 4, Pacaña 3, Maning 2

G&S (82) — Jabines 25, Ararao 12, Ladaran 11, Seguara 7, Miñoza 7, Balcalla 7, Guillen 4, Matudan 4, Suan 4, Labandero 1 A.

Grande (77) — Ricaña 16, Capili 12, Fernando 10, Sormillon 10, B. Tablada 9, Delos Santos6, Du 5, Oyanguren 4. J. Tablada 4