Cebu A.I. Logic mirehistro sa ilang ikatulong daog
Ang Cebu A.I. Logic miposte sa ilang ikatulong sunod-sunod nga kadaugan human gilubong og 14 puntos ang Swerte sa Trece, 84-70 sa 2008 Allied Bank basketball tournament didto sa Our Lady of Sacred Heart gym sa Escario St., ning siyudad.
Si Mokie Romo mikadlit og 24 puntos ug si Jasper Lestino mitulak og 21 puntos alang sa Cebu A.I. Logic, kinsa padayon karong nag-una sa standing bitbit ang 3-0 nga baraha.
Sila si Jerome Lee ug Richard Ong nagkumboya og 14 puntos sa maong kadaugan.
Ang walay palad nga Swerte Sa Trece gipangulohan ni Kim Noel nga mibagdok og 15 puntos.
Sa laing duwa, ang Cebu Diamond Auto Supply midispatsar sa Talamban Housing, 59-38 aron mopahiluna sa ikaduhang dapit sa liderato nga adunay 2-1 win-loss record.
Si Rey Valista mi-iskor og 12 puntos ug maoy topscorer sa Cebu Diamond, gisundan ni Sungahid kinsa miabuno og 11 puntos. Samtang si Lester Caballes nga mipupo og 11 puntos mao usab ang nangulo sa gidemolis nga Talamban Housing, kinsa nakatilaw sa ilang ikaduhang kaparotan sud sa tulo ka duwa.
PUNTOS MATAG
Unang duwa:
Talamban Housing (38) - Caballes 11, Montecalvo 8, Benatiro 7, Quintanilla 4, Cenita 4, Red 2, Sogue 2
Ikaduhang duwa:
Cebu A.I. Logic (84) - Romo 24, Lestino 21, Sanico 10, Lee 9, Ong 5, Banzon 4, Velano 3, Baguio 2, Villasica 2, Del Rio 2, Ampit 2
Swerte sa Trece (70) - Noel 15, Chan 12, Daldoza 9, Trece 9, Kiloy 6, Dinampo 5, Deparine 4, Lucion 4, Jumawan 2, Israel 2, Benemerito 2
- Latest
- Trending
