Atan Guardo mipaluhod sa ACES sa Inayawan Open

Gisugdan sa Atan Guardo ang ilang kampanya paghipos og laing titulo pinaagi sa paglansang og 79-71 nga kadaugan batok sa Athletes for Christ in Evangelical Service (ACES) sa 2008 Inayawan Open League basketball tournament didto sa Inayawan Sports Complex.

Lima ka magduduwa  ang miposte og double figures alang sa Atan Guardo nga gipangulohan ni Inayawan Brgy. Councilor BJ Murillo ug Mark Yong sa ilang 16 puntos matag usa.

Si Biboy Potencioso miamot og 12 puntos alang sa Atan Guardo nga nabiyaan og singko puntos paghuman sa first quarter, 30-35.

Nabiyaan gihapon ang Atan Guardo og dos puntos sa first half, 47-49, apan sila si Murillo ug Yong nangulo sa mainitong rally sa sunod nga hugna aron pag-abante og tres puntos, 63-30  paghuman sa maong kuwarter.

Sukad niadto, gikontrolar sa Atan Guardo ang katapusang 10 minutos sa duwa.

Ang pagsalmot sa  Atan Guardo gipaluyohan sa Uniherb Philippines, ang tiggama sa nag-unang  food supplements dinhi sa nasud sama sa Arthro, Heartvit, Kidneycare ug Diabet.

Puntos Matag Usa

Atan Guardo (79) - Murillo 16, Yong 16, Potencioso 12, Cabrera 10, Salon 10, Plant 5, Abadia 4, Mercado 4, Gines 2

ACES (71) - Tangarorang 19, Garcia 15, Lariosa 13, Caparros 10, Sayud 4, Gabellon 3, Redollo 3