Tabotabo naghari

Natuman na ang misyon sa masaarong si Vince Mark Tabotabo sa Sugbu dihang iyang gidominar ang boys 12-under sa 2008 Twin Arbors Junior Open didto sa Twin Arbors Athletic Club sa Lodi, North California.

Si Tabotabo nga lumad gikan sa Tuburan, Cebu, milampurnas ni seeded no. 3 Kyle Lin sa Sta. Rosa, California sa final round, 7-5, 6-3.

Ikatulo na kini  nga titulo ni Tabotabo nga iyang nahakot  didto sa US.  Nidaog sab siya og korona sa 2008 Little Mo Sectionals didto sa Folsom ug dayon sa Laguna Creek Junior Open sa Elk Groove didto gihapon sa California.

Si Tabotabo, kinsa gisuportahan ni Cebu Vice Governor Greg Sanchez giubanan sa iyang  pagpanulong didto sa Estados Unidos sa iyang amahan nga si Titus, nga nahimo usab nga multi-titled player atol sa iyang panahon.