Ang bag-ong natukod nga NAPOLCOM Region 7 Judo Club nipahigayon og inauguration rites didto sa Ecotech sa barangay Lahug, ning siyudad.
Labing una sa Pilipinas, ang kahugpongan eksplosibo lamang alang sa mga kawani sa NAPOLCOM.
“The NAPOLCOM Region 7 Judo Club concentrates more on self-defense more than the sport, as part of their job sa NAPOLCOM employees,” matud pa ni NAPOLCOM Region 7 Judo Club consultant Atty. Vicente Fernandez.
Sumala pa ni Fernandez nga ang tanang mga kawani sa NAPOLCOM Region 7 kinahanglan nga makat-on sa paugnat sa kusog ug sa susamang higayon mahimong kabahin sa Judo club. Kun kabahin na sila sa kahugpongan, marehistro na kini isip miyembro sa Philippine Amateur Judo Association, Inc. (PAJA).
Ang 1958 Asian Games gold medalist winner nga si Peter Calibo, 80 anyos, mohatag unta sa iyang mensahe atol sa inagurasyon apan ang iyang mga doktor mitambag kaniya sa dili pag-anhi sa Sugbu.
Hinuon, si Calibo nisuwat og mensahe ngadto sa kahugpongan diin gibasa kini sa usa sa mga club directors nga si Atty. Maximo Lasaca. Unod sa iyang suwat nagkanayon: “Judo is not just a sport, but is a way of life... I am sure that Judo will be an enjoyable sports besides enabling you to disarm any offender who may have a knife or gun. I congratulate you on deciding to put up a Judo club as a martial art suited for your profession.”
Gipukan ni Calibo ang iyang Japanese nga karibal atol sa ilang Asian Games Judo final didto sa Tokyo aron pagdaog sa bulawan. Nagkupot siya og duha ka black belts: 6th Dan (International Judo Federation) ug 8th Dan (Philippine Amateur Judo Association).
Si NAPOLCOM Regional Director Atty. Bernardo Calibo, pag-umangkon ni Peter Calibo, maoy nangu sa judo club.
Ang mga directors mao sila si Ramon Rañeses, Rhodora Arellano, Gemma Arreglo, Salvador Belo III, Helena Caga-anan, Archie Cometa, Mercedita Concepcion, Atty. Maximo Lasaca I, Elvira Lim, Desita Maria Medillo, Teresita Alburo, Vilma Pedralba, Pamela-Peñalver, Atty. Aloha Peñaranda, Florecelia Quiñanola, Atty. Risty Sibay, Catherine Somoza, John Paul Anquillano, Alan Caumeran Jr. ug Cecilio Pañares.
Gawas ni Atty. Fernandez, sila si Jaek Ik Lee sa Korea ug Holger Hom sa Germany mao sab ang laing consultants sa club.