PRO-7 kampiyon sa shooting competition
Gipakita sa mga pambato sa Police Regional Office (PRO)-7 ang ilang kaigmat batok sa ilang kaatbang aron pagsakmit sa overall champion sa Regional Director’s Cup Shooting Competition didto sa
Ang PRO-7 nga gipangulohan ni Police Superintendent Arturo Evangelista, chief of the regional investigation and detection management division, milangkat sab og ubay-ubay nga individual honors.
Si SPO1 Christopher Panes maoy nangulo sa kadaugan human nanghawod sa revolver category. Si SPO1 Carlos Antiligando mitapos sa ikaduhang dapit.
Ang nabantog na kaayong sharpshooter nga si SPO1 Adonis Dumpit napunta sa ikatulo sa hi-cap lawman class.
Sa iyang bahin, si SPO1 Lyndon Solatorio mipahiluna sa ikatulong dapit sa single stack lawman category ug ikalima sa overall single stack category.
Ang babayeng pambato sa PRO-1 nga si SPO1 Gina Gacho nahimutang sa ikapito sa overall sa single stack class. Nakakuha sab siya og laing medalya isip babayeng entrante.
Si Evangelista, kinsa nakakuha sab og medal isip team leader, nalandig sa ikalima sa overall sa hi-cap class.
- Latest
- Trending
