Movers, J-Art mikulit og daog sa GAA Founder's Cup

Ang  Movers Five ni playing coach Dr. Boy Te mipulbos  sa Evan Hulga Hardware Corp., 78-67, samtang ang J-Art nga gipanag-iya ni Jimbo Noel nakaipsot batok sa Pecus Stallions, 82-79  aron pag-una sa ilang tagsa-tagsa ka bracket sa 9th Founder’s Cup 2008 sa Guadalupe Athletic Association (GAA) didto sa Guadalupe gym.

Ang mga batos ni Te mipabuhagay og makalilisang nga 30-9 run aron pagkuha og   42-22 nga labaw sa halftime ug wala na kini molingi pa aron pagkulit sa ilang ikalimang sunod-sunod nga kadaugan.  

Si Inting Reyes maoy nangu sa Movers sa iyang 27 puntos, samtang sila si Te ug Joel Alquizola nagkumboya og 25 puntos.

Ang Evan Hardware nga naghupot karon og 2-2 nga baraha, gipangulohan nilang Gaga Cabanilla ug Mando Albia nga pulos miligwat og 14 puntos, samtang si Oliver Belmonte mitampo og 12 puntos.

Sa laing bahin, ang Pecus Stallions nga mao unta ang nagsige’g labaw sulod sa tulo ka kuwarter, misarasay sa katapusang minuto ug mihatag og kahigayonan nga maka-eskapo ang Sportswear Makers nga mao karon ang midominar sa ilang bracket bitbit ang 4-1 nga baraha.

Si Jimbo Noel maoy nangu sa iyang team nga mibahog og 28 puntos.  

Puntos Matag Usa

Unang duwa:

J-Art (82) -- Noel 28, Barrios 20, Alesna 13, Tancio 11, Tablada 8, Gabutan 2

Pecus (79) -- Sasing 28, Cuizon 13, Cainglet 13, Rizardo 7, Bihagan 6, Gabutan 5, Hayag 4, Calitas 4, Dela Mar 2, Rama 2

Ikaduhang duwa:

Movers (78) -- Reyes 27, Alquizola 15, Te 10, Ancot 6, Labra 6, Suzara 6, Labating 4, Leyson 2, Posadas 2

Evan Hardware (67) -- Cbanilla 14, Albia 14, Belmonte 12, Sullano 8, Pacaña 8, Barellano 6, Villahermosa 3, Abella 2