Mikulit og daog ang Castrol '94 pinaagi sa pagpilde sa Rosario Filipinas '91/92 sa iskor 79-64 sa 2008 San Carlos Boys High Alumni Basketball Association (SCBHABA) season didto sa University of San Carlos (USC)-North Campus gym, ning siyudad.
Bugnaw ug wala kabuga ang Castrol '94 sa pagsugod sa duwa diin igo lang kini milabaw og tres puntos paghuman sa maong kuwarter, 21-18. Ang Castrol '94 walay tihik-tihik nga mipabuhagay sa ilang opensiba aron pag-inat sa ilang labaw ngadto na sa 13 puntos, 56-43 katapusang kuwarter sa maong duwa. Gikan niadto, ang walay puangod nga Castrol wala na molingi sa nagkagidlay nga Rosario Filipinas hangtod nga naangkon ang 15 puntos nga kadaugan.
PUNTOS MATAG USA
Batch ’94 (79) -- Lu 20, Seno 16, Cabrera 14, Juntar 10, Mina 6, Canares 5, Arnoco 4, Doblas 2, Velayo 2
Batch ’91/92 (64) - Alcover 15, Olvido 14, Angana 12, Arong 10, Salgado 2, Jacobe 2