Gidominar sa Cebu Blue Marlins ang 1st CBM-Cebu City Sports Center (CCSC) Novice Age-Group Swimfest 2008 diha sa CCSC Aquatic Center.
Ang CBM maoy mipatigbabaw sa batok laing walo ka koponan human mihipos 63 golds, 33 silvers ug siyam ka bronzes.
Midaog sab ang CBM sa Most Outstanding Swimmer awards.
Sila si Angel Torres ug Rian Tapang nanghawod sa girls and boys division sa 6-under class, samtang sila si Matthew Cañeda midominar sa 7-8 division.
Lain pang age-group top performers mao sila si Michael Ichiro Kong ug Gisele Bagano (9-10), Arman Baria ug Janica Tan (11-12), Chargen Bautista ug April Garcia (13-14), Jiff Laude ug Jennifer Sembrano (15-17) ug Asher Enriquez ug Denise Sembrano (18-above).
Ang Splashers Swim Team maoy mipahiluna sa ikaduha sa overall nga adunay upat ka golds, 28 silvers ug 17 bronzes, samtang ang Negros Oriental Blue Dolphins Swim Club maoy mi-okupar sa ikatulo sa ilang upat ka golds, walo ka silvers ang walo sab ka silvers.
Ang Bohol Dolphins Swimming Club napadpad sa ikaupat nga dapit bitbit ang tulo ka golds, 10 silvers ug pito ka bronzes, gisundan sa Childlink Swim Team nga adunay tulo ka golds, duha ka silvers ug usa ka bronze.