Tigers tumatag sa liderato

Nagdeliber ng mahahalagang puntos ang 6-foot-10 import na si Jason Dixon na kumamada ng 26 puntos, 14 rito ay sa fourth quarter bukod pa sa18 rebounds, 2 steals at 1 shotblock upang ihatid ang Coca-Cola sa 94-87 win kontra Welcoat.

Ang panalong ito na nagsulong sa Tigers sa 8-4 panalo-talo ay nagpahigpit ng kanilang  kapit sa liderato sa 2008 PBA Fiesta Conference kahapon sa Ynares Center sa Antipolo City.

Matapos itabla ng Welcoat ang iskor sa 85-all, dalawang freethrows at isang jumper ni Dixon ang muling naglayo sa Tigers sa 89-86 sa 1:18 ng labanan bago ang tatlong charities ni rookie Ronjay Buenafe para iwanan ang Dragons sa 92-87 sa natitirang 9.0 segundo.

Nabaon naman sa pangungulelat ang Welcoat matapos malasap ang ikasiyam na talo sa 12-laro.

 Kasalukuyan pang naglalaro ang Alaska (5-6) at ang Purefoods (5-5) habang isinusulat ito.

Maghaharap naman ang Magnolia (5-6) at Talk N Text (7-5) sa Puerto Princesa City Coliseum ngayong alas-4:30 ng hapon.