Itum Yuta abante na sa semis

Nakaipsot ang Itum Yuta pinaagi sa pagpukan sa Lawis Ughoy, 68-63 aron pag-abante sa semifinals seniors division sa 1st Barangay Captain Larry Monsanto's Cup sa miaging adlaw didto sa Sitio Laguna hardcourt sa Barangay Lorega San Miguel, ning siyudad.

Magduwa sa semifinals nga sugdan ugma mao ang San Miguel, Riverside Giants, Sereas Marines ug ang Itum Yuta.

Nabitin ang Itum Yuta sa nag-unang duha ka kuwarter diin gibiyaan sila sa Lawis Ughoy og sayes puntos, 28-22 paghuman sa first half.

Human sa break, ang Itum Yuta mihimo og kausaban sa ilang set plays aron pag-ilog sa momentum ug mao na ang mi-abante og kuwatro puntos. Sukad niadto, ila na nga nakontrolar ang duwa hangtod nga ilang nakuha ang katapusang luna sa semifinal.

Ang 1st Barangay Captain Larry Monsanto’s Cup gipasiugdahan sa Lorega San Miguel Barkadahan Basketball Association (LSBBA) ubos sa pagpangulo ni Reuel 'Tawi' Robles uban suporta sa Norkis Yamaha, Stitches and Wear, San Miguel, Pepsi ug Julie's Bakeshop.

Puntos Matag Usa

ITUM YUTA (68) -- Paler 17, Pablo 16, Reynes 10, Rusia 8, Pastor 6, Obiña 3,   Cabije 3, Peñiaranda 3, Ruelan 2

LAWIS UGHOY (63) --Dakay 17, Baylosis 15, Bacus 10, Flores 6, Velasquez 5 B. Ruelan 4,  Mabaga 2, Cañete 2,    Mabaga 2.

QUARTERSCORES

9-12, 22-28, 48-45, 68-63