Tangka ng University of San Jose-Recoletos ang playoff para sa ikaapat at huling semifinal slot sa pakikipagharap sa University of St. La Salle-Bacolod ngayon sa inaasahang mainit na labanan ng dalawang guest teams na ito sa Shakey’s V-League Season 5 sa pagtatapos ng quarterfinal round sa The Arena San Juan.
Nadiskaril ang Cebu-based squad sa labanan para sa No. 2 spot sa quarterfinal round laban sa Lyceum matapos mabigo sa Ateneo, 21-25, 25-23, 21-25, 13-25, noong Biyernes na naglaglag sa kanila sa 2-2 kartada patungo sa final day ng single round phase.
Hindi rin pinalusot ng Pirates, ang Bacolod spikers, 25-16, 18-25, 25-23, 25-10, para magtapos sa likod ng Eagles na may 5-0 card, sa kanilang, 4-1 kartada.
Makakapuwersa ang USJ-R ng playoff para sa huling semis berth kung magtatagumpay sila sa USLS sa kanilang alas-2:00 ng hapong sagupaan, sa bisa ng 3-of-five incentive rule ng ligang sponsored ng Shakey’s V-League.
Kung may playoff, gaganapin ito sa Martes ayon sa nag-organisang Sports Vision.
Samantala, tatapusin naman ng Far Eastern U at ng St. Benilde ang kanilang kampanya sa alas-12:00 ng tanghaling sagupaan.