Nakatagamtam na gyud og tam-is nga kadaugan ang El Popular dihang ilang giluba ang Mangga, 69-68 sa seniors division sa nagpadayong Zapatera Summer League 2008 niadtong miaging adlaw didto sa Zapatera gym.
Si Rodrigo Pamatian miyagyag og 24 puntos aron pangulohan ang El Popular nga gipaningot una og bogbog sa wala pa maangkon ang ilang labing unang kadaugan.
Sikit kaayo ang duwa sa duha ka kampo diin igo lang nakabentaha og uno punto ang Mangga paghuman sa unang kuwarter, 20-19.
Ang El Popular uban sa paningkamot ni Pamatian mi-ilog sa labaw, 39-31 sa ikaduhang kuwarter, apan mikunhod kini, 57-54. Nahimong kulbahinam ang duwa dihang nagligas na lang kini og uno punto sa himalatyong oras sa duwa, apan ang El Popular maoy nasuwertihan ug maoy nakaangkon sa daog.
Puntos Matag Usa
EL POPULAR (69) -- Pamatian 24, Medrano 14, Gimenez 13, Bembo Giua 8, Opura 8 Bombe Guia 1, Janjan But-ay 1,
MANGGA (68) -- Palang 34, Pio 17, O. Sadaya 9, Lim 4. K. Sadaya 2, Rallos 2