Gisugdan sa University of San Carlos (USC) Warriors ug Don Bosco Greywolves ang ilang tagsa-tagsa ka kampanya pinaagi sa paglansang og daog sa pagsugod sa 2008 M. Lhuillier Kwarta Padala Summer Basketball Challenge sa miaging adlaw didto sa Cebu Coliseum.
Gipanitan sa USC Warriors ang University of San Jose-Recoletos (USJ-R) Jaguars sa iskor nga 83-73, samtang ang DB Greywolves mihambat sa Salazar Colleges of Science and Institute of Technology (SCSIT) Skyblazers sa iskor nga 100-92.
Si Giovanni Padillo miduslit og 21 puntos aron pangulohan ang USC Warriors, kinsa maoy mikontrolar sa duwa aron pagbaton og siyete puntos nga bentaha sa unang kuwarter, 27-20.
Sa laing bahin, ang Greywolves nagsalig sa ilang kainit sa second quarter aron paglumpag sa Skyblazers.
Milabaw lang og kuwatro puntos paghuman sa unang kuwarter, 25-21, ang Greywolves milusad og 27-18 nga rally aron mapalapdan ang labaw ngadto sa 13 puntos, 52-39 sa halftime.
Nalaslasan ang labaw sa Greywolves dihang mipabuto og 31-22 run ang Skyblazers sa third quarter, 70-74. Apan didto ra kutob ang maayong kumbati sa Skyblazers gumikan kay ang Greywolves subli man nga mipakita sa ilang kabangis aron pagdagit sa daog.
Unang duwa
Don Bosco (100) - Perturbos 16, De los Santos 14, De la Rama 13, Villaver 12, Juntilla 10, Enterina 9, Aldave 7, Colegado 6, Lumapas 6, Baring 5, Caballero 2
SCSIT (92) - Tampus 28, Gabica 18, Calma 14, Tampus 11, De la Vega 8, Aleguiso 4, Amarado 4, Aribal 3, Paquibot 2
Ikaduhang duwa
USC (83) - Padillo 19, Otida 9, Cortes 8, Igao 8, Codilla 7, Gallarde 7, San Juan 6, Bakker 6, Bautista 5, Hermosa 4, Blanes 4
USJ-R (73) - Malinao 21, Ponce 14, Bibera 7, Pateno 7, Amores 6, Suliman 4, Senining 4, De la Peña 3, Gabas 2, Villaver 2, Duran 2, Delfino 1