Cañares Icons mipukan sa Phantom Knights
Nakatilaw na sab og daog ang Cañares Icons pinaagi sa paglubong sa Phantom Knights, 65-53 sa semifinals sa nagpadayong 1st Barangay Captain Larry Monsanto’s Cup niadtong miaging gabii didto sa Lorega San Miguel, ning siyudad
Pagsugod pa lang sa duwa, nagpakita na sa ilang kabangis ang duha ka kampo hinungdan nga nagtabla kini paghuman sa unang kuwarter, 12-12. Tungod sa kahugot ug kasikit sa duwa, ang Cañares Icons igo lang nakalabaw og uno punto paghuman sa first half, 26-25.
Hinuon, ang Cañares Icons hinay-hinay og inat sa ilang labaw ug miabot kini ngadto sa kuwatro puntos sa third quarter, 44-40.
Gikan niadto, wala na makabangon pa ang Phantom Knights nga maoy hinungdan nga gilubong kini og 13 puntos sa katapusang kuwarter.
Si Casinillo maoy topscorer sa Cañares Icons sa iyang 20 puntos, samtang si Coliflores mao usab ang topscorer sa pilderong Phantom Knights nga mipupo og 14 puntos.
Sa laing bahin, matino na karong gabii kun kinsa ang makaangkon og lingkoranan sa finals ning maong liga nga gipasiugdahan sa Lorega San Miguel Barkadahan Basketball Association (LSBBA) ubos sa liderato ni Reuel 'Tawi' Robles uban sa suporta sa Norkis Yamaha, Stitches and Wear, San Miguel, Pepsi ug Julie's Bakeshop.
Puntos Matag
Cañares Icon (65) – Aquino 4, Macul 2, Recia 12, Genobiagon 7, Abella 2, Olieta 4, Fajardo 2, Casinillo 20, Bawagan 2, Alburo 6, Cesaldo 2, Pepe 2
Phantom Knights (53) – Laurente 2, Briones 6, Boquir 8, Reynes 5, Camaymayan 4,
Quarterscores
12-12, 26-25, 44-10, 65-53
- Latest
- Trending
