Rama Boys naka-ipsot sa LSBBA Selection
Naka-eskapo ang Rama Boys sa kulbahinam nga duwa dihang ilang gipukan ang Lorega San Miguel Barkadahan Basketball Association (LSBBA) Selection sa iskor nga 97-92 atol sa ilang exhibition game nga tipik sa nagpadayong 1st Barangay Captain Larry Monsanto's Cup sa Lorega San Miguel niadtong miaging gabii didto sa Sacred Hearts School for Boys.
Ang LSBBA Selection mi-abante og nuybe puntos paghuman sa unang kuwarter, 34-25, apan ang Rama Boys nakabawi sa ikaduhang kuwarter ug mao na ang mi-abante og singko puntos, 51-46.
Padayong mipauwan sa ilang mga opensa ang Rama Boys hinungdan nga nalubong og 10 puntos ang LSBBA Selection,80-70 sa ikatulong kuwarter.
Gikan niadto wala na molingi pa ang Rama Boys aron hingpit nga maangkon ang kadaugan.
Si Gines maoy topscorer sa sa Rama Boys sa iyang 18 puntos, gisundan ni
Nangulo usab sa LSBBA Selection si Sanchez nga adunay 19 puntos.
Gikalipay ni Rama ang gipakitang kahiusahan sa Lorega San Miguel. Gani mapasalamaton usab siya sa mga organizer sa LSBBA nga gipangulohan ni Reuel 'Tawi' Robles.
Ang 1st Barangay Captain Larry Monsanto’s Cup gisuportahan sab sa Norkis Yamaha, Stitches and Wear, San Miguel, Pepsi ug Julie's Bakeshop.
Puntos Matag
RAMA BOYS (97) -- Gines 18, M. Rama 16, Basamot 12, dela Cruz 12, Yu 10, Murillo 10, Sy 9, Milan 4, Pingoy 4, dela Calzada 2.
LSBBA SELECTION (92) -- Blas 20, Sanchez 19, Carbona 17, Reynes 15, Villaceran 11, Rafols 10, dela Cruz 5, Esperanza 5, Rusia 4, Espina 4.
- Latest
- Trending
