Ceniza sakop na sa Filforce Airsoft Team

Nadani karon ang atensyon sa kanhi basketbolista Allan Ceniza ngadto sa “war games” kon "airsoft."

Si Ceniza, kanhi varsity player sa Cebu Central College (CCC) Executives nga karon University of Cebu (UC) Webmasters nagdaku   sa Cabancalan, dakbayan sa Mandaue apan atua na karon manimuyo sa New York City.

Sila si Allan ug iyang anak nga si Drazen 'Taten' mao lamang ang father and son tandem nga sakop sa Filforce Airsoft Team didto sa New York City. Ang Filforce Airsoft Team gibanabanang mokapin og 200 ka mga sakop og 90 porsiyento niini mga Pinoy.

Ang Filforce Airsoft Team nagsaulog sa una  nilang anibersaryo  niadtong Marso 1 diin migawas kini sa You Tube ug na-interbiyu sila sa Balitang America tv show. 

Uban nilang sakop mga Americans, Indians ug Chinese.
Ang Airsoft maoy ilang himuong  kalingawan aron pagtambal sa  kamingaw.

Ang maong matang sa duwa bahinon sa duha ka grupo nga langkuban og labing menos 15 ka tawo matag grupo. (Gabby G. Malagar)