Suico midaog, kontra mihigda sa round 3
Nagkinahanglan lang og tulo ka rounds si OPBF lightweight champion Randy ‘Kumong Bato’ Suico aron pagtumba ni Thai Sornkom Jockeygym sa “Kadaugan sa Mactan” boxing show niadtong miaging gabii didto sa nagsugwak nga Lapu-Lapu City Auditorium.
Wala pakyasa ni Sucio ang gipaabot sa iyang mga dumadapig diin iya kining gitagbaw pinaagi sa pagpakita og maayong away batok sa Thai boxer.
Ang 28-anyos nga si Suico mitapos sa iyang kaatbang pinaagi sa makabungog nga right overhand nga nakahagba sa bisitang boksidor sa oras nga
“I am satisfied with his performance, but I fell he still needs more speed,” matud pa ni Japanese manager ni Suico nga si Joe Koizumi kinsa mituyo pag-anhi gikan sa Japan uban sa iyang asawa nga si Mia agi’g pagpakita’g suporta sa iyang batos.
Matud pa ni Koizumi nga ang WBC ranked no. 7 nga si Suico modepensa sa iyang OPBF title batok ni Kengo Nagashima karong Hulyo 22 sa Korakuen Hall sa
Nakapaignat sa maong promosyon mao ang kadaugan ni Richard Olisa sa Manila dihang iyang gipakanaog sa iyang trono si Eden Sonsona sa General Santos City pinaagi sa “split decision” aron
yukboan isip bag-ong hari sa Philippine super flyweight division.
Si judge Noel Flores mao lang ang bugtong mipabor ni Sonsona, 115-112 kay sila si Salven Lagumbay ug Edward Ligas adunay managsamang iskor nga 115-115 alang ni Olisa hinungdan sa split decision.
Ang Filipino ring superstar nga si Manny Pacquiao maoy mitunol sa tropeyo ug championship belt ngadto ni Olisa.
Uban ni Pacquiao sa ringside mao ang iyang asawa nga si Jinkee, kanhi Ilocos Sur governor Chavit Singson, Mayor Arturo Radaza ug Mandaue City Mayor Jonas Cortes
Sa lain pang mga away sa maong promosyon nga gipadagan sa MP Promotions ni Manny Pacquiao uban sa abag sa kagamhanan sa dakbayan sa Lapu-Lapu, Solar Sports ug Rex ‘Wakee’ Salud Promotions International, si kanhi PABA lightweight titlist Marvin ‘Leyte Bomber’ Tampus mipaundang ni Allan Ranada sa Jagna, Bohol sa 2:16 ikaunom nga hugna.
Si Darryl Pucok midaog pinaagi sa majority decision batok ni Dante Cantiga, si Jayson Siaton mipukan ni John Mark Rana pinaagi sa unanimous decision, si Rodolfo Sumabong mimakmak ni Tata Ricablanca pinaagi gihapon sa unanimous decision ug si Israel Sapo Salud milansang og TKO victory batok ni Daniel Ponce Villacura sa 2:33 sa ikatulong hugna.
- Latest
- Trending
