Bitbit, Surban daog sa Singapore

Sila si Marites Bitbit ug Niño Surban mao lang ang mga Sugbuanon nga nakigbatok sa "Bike Asia 2008" 100 Mountain Bike Race apan nakahimo kini pagdaog pinaagi sa pagposte og 1-2 finish sa maong kompetisyon niadtong miaging semana didto sa Tampines Mountainbike Park sa Singapore.

Si Bitbit naghari sa women's solo competition human niya gipilde ang laing 10 ka entrante sa maong dibisyon.

Sa iyang bahin, wala magdahom si Surban nga makalahutay batok ni reigning US 24 hr champion Tinker Juarez  sa premiere men's open solo.

Si Juarez, ang two-time Olympian ug Mountainbike Hall of Famer nasurprisa kay human niya gibiyaan si Surban og labing menos dos minutos sa nag-unang duha ka laps, ang Sugbuanon kalit nga miapas kaniya.

Apan si Juarez mipahimos sa iyang kasinatian aron pag-apas ni Surban sa nagkaduol na ang final three laps.

Tungod sa dautang panahon nga miigo sa  maong dapit, ang organizers mipamubo sa numero sa laps nga nakapabentaha ni Juarez.

Posibleng modaog si Surban kun gipatuman pa ang 10-lap distance.