Firefly nakaangkon lingkoranan sa finals
Miabante na sa open division finals ang Firefly human gipilde ang Talavera, 118-104 sa 2008 Balamban Sports Development Commission (BSDC) basketball tournament didto sa Buanoy hardcourt sa Balamban,
Mibanat dayon ang Firefly pagsugod sa duwa aron pa-angkon og 16 puntos nga bentaha paghuman sa maong kuwarter ug nainat pa kini ngadto sa 20 puntos sa halftime, 47-27 dayon na ngadto pagkulit og kadaugan.
Si Resty Getubig maoy nangulo sa Firefly sa iyang 29 puntos, samtang ang iyang kanhi kauban sa commercial league nga sila si Jerry Jaca ug Aldrin Ocañada nagkumboya og 44 puntos. Si Jaca mitanom og 24 puntos ug si Ocañada mipupo og 20 puntos ug si JR Pepito miabuno og 19 puntos.
Gumikan sa maong kadaugan, ang Firefly nakakuha og katungod nga makigharong sa AR Contractor sa “best-of-three” finals sugod karong adlawa.
Ang BSDC basketball tournament kabahin sa tinuig nga pangilin ni San Vicente Ferrer, ang mahal nga patron sa Buanoy.
PUNTOS MATAG
Firefly (118) - Getubig 29, Jaca 24, Ocañada 20, Pepito 19, Mepaña 6, Bustos 7, E. Aniñon 6, Capaning 2, Berido 2, R. Aniñon 2
Talavera (104) - Roncal 27, Sampilo 22, De los Santos 15, Custodio 15, Malig-on 4, Pancho 4, Enpantado 2, Macho 1
- Latest
- Trending
