STVYA, Manol milampurnas sa ilang mga kaatbang

Gilampurnas sa  STVYA  ug Manol  ang  ilang tagsa-tagsa ka kaatbang  atol sa ilang  engkuwentro sa nagkainit nga 1st Jeson Guardo Pasalamat Cup Inter-Sitio Basketball Tournament didto sa barangay Tisa Sports Complex.

Wala kaayo mahugpai og bug-at nga tahas ang STVYA sa ilang pagpukan sa Mohon Blazers kay ila kini nga gilubong og 18 puntos sa iskor nga 83-65.

Lahi  ang senaryo nga nasinati sa Manol kay gilisud-lisud pa kini una nila maangkon ang 55-54 nga kadaugan batok sa San Antonio.

Ang  STVYA   nabiyaan og sayes puntos  paghuman sa first quarter, apan nakabangon kini human  milusad  og  26-15 run  sa ikaduhang kuwarter aron pag-ilog sa  momentum ug mao na ang  nakabentaha  og  17 puntos  paghuman sa first half sa iskor nga   56-39. Nainat  pa ang labaw ngadto na sa 19 puntos, 69-50  dayon na paglansang og daog.

Sa  laing duwa,  ang Manol nagkinahanglan  pa nga ipabuhagay ang  tanan  nilang katakus aron mapapas ang sayes puntos nila  nga alkanse, 12-18 paghuman  sa  first quarter.  Gikan niadto, nahimong kulbahinam ang maong duwa  kay  nag-iyahay kini og ilang sa labaw, apan  ang Manol maoy gibuligan og maayong palad ug maoy mipatigbabaw.     

Hugtanong gipaluyohan sa Tisa Barangay Council ubos sa liderato ni Barangay Captain Eduardo ‘Eddie’ Cabulao, ang Pasalamat Cup nga  gidumala ni Erby Diola uban sa pag-abag sa tinahod nga sports patron Jonathan ‘Atan’ L. Guardo, ang presidente sa Uniherb Philippines, ang tig-apod-apod sa nabantog na kaayong food supplements sama sa Arthro, Heartvit ug Kidneycare.

PUNTOS MATAG USA:

Unang duwa:

STVYA (83) - Eyao 17, Ramirez 10, Moreto 10, Caburnay 9, Gelig 9, Russel 7, Acosta 6, Caburnay 6, Labor 4, Bato 2, Tripoli 2, Moreto 1

Mohon Blazers (65) - Caburnay 17, Abellanosa 13, Godinez 8, Binondo 8, Mosqueda 8, Caintapan 5, Tragia 2, Canoy 2, Aligasa 2

Quarterscores:

30-24, 56-39, 69-50, 83-65

Ikaduhang duwa:

Manol (55) - Ladano 12, Marayan 8, Lauza 7, Magusara 6, Quibete 4, Librado 4, Quibete 3, Cuandot 3, Librado 2, Cardoza 2, Nadera 2, Casqueso 2

San Antonio (54) - Yu 19, Lurzano 8, Zafra 6, Gabatan 5, Adarns 4, Savior 3, Pardenella 3, Pancho 3, Pardenella 3

Quarterscores:

12-18, 30-30, 41-42, 55-54