Gorres modepensa sa iyang korona karong Mayo
Si IBF Championship Committee chairman Lindsey Tucker Jr. mimando ni IBF Intercontinental super flyweight champion Z 'The Dream' Gorres sa pagpanalipod sa iyang titulo ning umaabot sa bulan sa Mayo.
Kini kay si Vic 'Raging Bull' Darchinyan gikatakda man nga mohagit ni reigning IBF 115-pound king Dimitri Kirilov sa
Sa sayo pa, ang handlers nilang Darchinyan ug Gorres miselyado sa kasabotan alang sa "rematch" human sa ilang unang engkuwentro nga miresulta sa controversial split draw niadtong Pebrero 2 sa Pacific Grand Ballroom sa Waterfront-Cebu City Hotel.
Si Gorres kinahanglan nga maglukdo og korona sa dili pa siya mohagit ni Darchinyan. Kini kun si Darchinyan molampos pagpalagpot ni Kirilov sa iyang trono.
Hinuon, si Tucker nangandam sa posibilidad sa paglugway sa mandatory defense og laing 90 diyas kun ang gisi ni Gorres nga naangkon atol sa iyang away batok ni Darchinyan dili pa kompletong maayo atol sa gihatag nga tagal.
Bisan pa niini, si ALA Promotions president Michael Aldeguer miingon nga si Gorres andam modawat sa hagit ug ang away tentatibong gitakda karong Mayo 3 diha sa Mandaue City Cultural and Sports Complex sa wala pa matinong kaatbang.
Si ALA Gym chief trainer Edito Villamor nagkanayon nga si Gorres nagpabilin sa hustong pamorma ug mopahigayon kini sa iyang hugtanong bansay-bansay sunod semana.
- Latest
- Trending
