Ugang midaog og singles title

Nakabawi si Wyno Ugang gikan sa iyang sunod-sunod nga kaparotan  dihang iyang gipukan si Duke Omega aron pagsakmit sa singles title sa Baseline Sinulog Open Darts Tournament didto sa Baseline Restaurant and Recreation Center.

Impresibo kaayo si Ugang sa maong duwa ug iyang napuhalan ang abilidad ni Omega, kinsa nahimutang sa ikaduha.

Mi-okupar sa ikatulo nga dapit mao si Jerome Perales human niya gipukan si Alvin Villa.

Sa sayo pa, nausik ang ang twice-to-beat advantage nilang Ugang ug Boboy Manlunas dihang napilde kini sa paresan nilang Roy Laude ug Marlito Patunob sa doubles title game.

Sila si Allan Bejuna ug Steve Montenegro mitapos sa ikatulong dapit human gipilde ang tandem nilang Brian Gabuya ug William  Encorporado.