Warriors ikatulo sa La Fortuna Cup
Si Giovanni Padillo mikambiyo og 12 puntos sa final quarter sa kinatibuk-an niyang 18 puntos aron pag-alsa sa University of San Carlos (USC) Warriors ngadto sa 89-84 nga kadaugan batok sa Asian College of Technology (ACT) Cyber Knights aron pagpahiluna sa ikatulo nga dapit sa La Fortuna Cup basketball tournament kagahapon didto sa Cebu Coliseum.
Migawas ang pagkamangtas ni Padillo sa nanghinapos nga bahin sa duwa dihang iyang nakuha ang bola atol sa inilogay alang sa ilang posisyon ug mikompleto sa iyang three-point play nga naghatag sa Warriors og tres puntos sa iskor nga 85-82 sa nahabiling 20 segundos sa regulasyon.
Si Padillo mao sab ang milangkat sa katapusang rebound sa maong duwa ug ang iyang duha ka three throws maoy miselyado sa kadaugan.
Ang Cyber Knights miabante og sayes puntos, 71-65 human sa three points ni JC Ver Paraguya, apan nahubas ang lang labaw dihang daghan kini'g usik sa ilang free throws.
Si Elmer Aparice sa Cyber Knights nasipyat sa iyang crucial free throws diin ang Warriors anaa na sa posisyon pag-ilog sa labaw.
Hinuon, nabawi kini ni Aparice pinaagi sa iyang charities nga naghatag sa Cyber Knights og 78-75 nga labaw. Apan si Padillo mipasulod sa iyang three-point shot nga nakapatabla sa duwa, 78-all.
Katapusang nakalabaw ang Cyber Knights sa iskor nga 79-78 gumikan kay si Padillo mipasulod sa iyang mahinungdanong basket aron pag-ilog og balik sa labaw sa iskor nga 80-79.
Gawas ni Padillo, sila si Niño Ramirez ug Joven Sid Cortes miposte sab og double figures nga adunay 15 puntos matag
Si Paraguya mao sab ang nangulo sa pilderong Cyber Knights sa iyang 22 puntos, gisundan nilang Aparice ug Vistal nga pulos mibugha og 14 puntos.
Puntos Matag
USC (89) - Padillo 18, Ramirez 15, Cortes 15, Joven 6, Gallarde 6, Bautista 6, Bakker 5, Hermosa 5, Blanes 4, Codilla 4, Igao 2
ACT (84) - Paraguya 22, Aparice 14, Vistal 14, Nuñez 13, Doy 7, Batiancila 7, Cadiz 4, Valencia 3, De la Peña 2
- Latest
- Trending
