6th Tour  Ni Frank sugdan na

 Gatosan ka mga cyclists lukop nasud ang mosalmot sa 6th Tour Ni Frank nga mosikad karong adlawa sa Danao City.

Usa sa mga notadong seklista sa nasud nga si Lloyd Lucien Reynante maoy nag-unang rider nga angay lantawon sa open class human si two-time Tour Pilipinas champion Warren Davadila mi-atras sa pagsalmot ning tulo ka stage nga kompetisyon.

Si John Ricafort, ang Padyak Pinoy King of the Mountain maoy mohulip sa puwesto ni Davadila.

Gawas sa duha, sila si RP mountainbikers Eusebio Quiñones ug Niño Surban gipaabot sab nga mopakita'g aksiyon sa maong lumba.

Si Ernie Hortaleza, ang class B defending champion moapil sab aron manalipod sa iyang titulo ug ingon man ang iyang kanhi coach nga si Cesar 'Ponga' Lobramonte nga gipaabot nga morehistro og sunod-sunod nga kadaugan sa class C.

Show comments