Medallon Transport Corp.,Yes Marketing milansa'g daog

Ang  Medallon Transport Corp.-Blue ug ang Yes Marketing-Black  milansang og daog sa 1st Powerball Basketball Friends Club "President's Cup" Invitational Tournament diha sa CEC Gym.

Ang Medallon-Blue midaog batok sa Unilink Shipping-Red sa iskor nga 82-75, samtang ang Yes Marketing-Black milubong sa 100 Plus Energy  Drink-White sa iskor nga 84-68.

Si Dennis Lim mikambiya og 21 puntos ug si Norwin Baclay midugang og 16 puntos alang sa Medallon-Blue nga midominar sa duwa gikan sa pagsugod hangtod na sa paghuman.

Sa laing bahin, si Andy Miñoza milubong og 21 puntos, samtang si Shai Cortes mitanom og 20 puntos alang sa Yes Marketing-Black nga mipahamtang sa 100 Plus Energy Drink-White og 27-10 run sa unang kuwarter.