Wala nay ugma pa alang sa duha ka magkaribal nga koponan -- ang masidlakon nga Colonia Flaming Stars ug ang ASA Dribblers nga mag-ilog sa prestihiyosong titulo sa 2007 Bago Invitational basketball tournament karong gabii diha sa Bago Sports and Cultural Complex.
Ang tinaktakay nga kampiyonato sugdan sa alas-7:30 sa gabii.
Sa laing bahin ang Sto. Niño-Tabuelan nilang Brgy. Captain Genesis Bravo ug Hon. Rex Gerona ug ang Arpili Residences ni Mr. Eight Pepito padayon pa nga nagkumbati alang sa ikatulong dapit sa pagsulat niini.
Segurado huego todo ang duwa karon gumikan kay mao man kini ang katapusang adlaw o adlaw sa paghukom kun kinsa ang koronahan isip hari sa 2007 Barangay Bago Invitational basketball tournament.
Sama sa naandan, ang Colonia Flaming Stars nilang Tuburan Mayor Constancio Suezo ug Barangay Captain Alice Cowley magsalig sa liderato ni Rogado. Maghangad sab kini sa suporta nilang Labares, Martel ug Dotilla, samtang ang ASA Dribblers magsandig sa abilidad ni Tarona.