Andam na ang tanang alang sa 27th Halad Kang Mano Amon Run, ang ikaduhang labing karaang running event sa nasud karong Disyembre 24 didto sa Danao City.
Dul-an sa P31,000 nga ganting salapi ang giandam alang sa mga mananaog sa nagkadaiyang mga kategoriya nga naglakip sa open, All-Danao Open, All-Danao elementary, secondary ug tertiary ug executives.
Libre ug walay registration fee nga pangayuon ang maong lumba. Hinuon, niadtong buot moapil mo-fill up sila sa entry forms diha sa Philippine Sports Commission-7 Office nga nahimutang sa Cebu City Sports Center.
Ang race numbers ihatag atol sa adlaw sa lumba.
Ang unang 200 registrants hatagan og free snacks, samtang ang top five finishers sa matag kategoriya makadawat og t-shirts.
Alang sa dugang mga kasayoran, tawag lang ni Grace o ni Wewe sa Danao City Sports Commission sa numero 200-12123 o 200-1818.