Tankers Molina, Arabejo pag-asa ng Pinas

NAKHOM RATCHASIMA - Pangungunahan nina US trained Miguel Molina at Ryan Arabejo parehong nakakuha ng slots sa Beijing Olympics sa susunod na taon, ang 14 member RP team na nais higitan ang kanilang 2005 four-gold medal  haul laban sa world-class opposition sa 24th SEA Games swimming competitions na magsisimula bukas.

Apat pang FilAmericans, lahat ay nagsanay sa ilalim ng kilalang US coaches, at mga locals swimmers na namayagpag sa national eliminations, Palarong  Pambansa at Philippine Olympic Festival, ang sasabak sa Aquatic Center sa His Majesty the King’s 80th birth anniversary stadium, dito.

Nakakuha si Molina, nanalo sa 200 at 400 individual medley at 200m breaststroke sa Manila SEA Games, sa 2008 Olympics sa oras na 2:03.06 sa 200mIM, pasado sa Olympic qualifying time (2:05.65).

Ang apat na FilAmericans sa team ay sina 20-year-old James Walsh,  premed  scholar sa University of Florida; Daniel Coakley ng University of Hawaii, Jaclyn Pangilinan ng Harvard University sa Boston, at Erica Totten ng University of Arkansas. (Ulat nina Nelson Beltran at Gerry Carpio)