Orlando milansang na'g napulo ka daog
Si Dwight Howard milansang og 24 puntos ug milangkat og 15 ka rebounds aron pangulohan ang Magic sa ilang ikaduhang sunod-sunod nga kadaugan human sab nila mabiktima ang Boston Celtics sa miaging adlaw.
Ang Magic nga mao karon ang nag-una sa Southeast Division bitbit ang 10-2 win-loss record maoy nakabuling sa baraha sa Celtics (8-1).
Wala sab magpabitin si Rashard Lewis kinsa miabuno og 19 puntos ug milayat og pito ka rebounds, samtang si Jameer Nelson milansang og 16 puntos ug mihatag og lima ka assists alang sa Magic.
Ang pilderong Hornets gipangulohan ni Peja Stojakovic sa iyang 21 puntos. Ang Hornets nga mirehistro og 9-3 win-loss record wala gihapon makapahimulos sa serbisyo sa ilang point guard nga si Chris Paul tungod sa nahiagumang injury.
Sa laing mga duwa, gikuniskunis sa Utah Jazz ang New Jersey Nets sa iskor nga 102-75 .Si Carlos Boozer miburak og 17 puntos, samtang si Mehmet Okur miamot og 14 puntos alang sa kadaugan sa Jazz nga ikaduha karon sa Northwest Division nga adunay 8-4 win-loss record.
Si Richard Jefferson nga mipupo og 22 puntos maoy topscorer sa nagusbat nga Nets. Gikuninitan sab sa Charlotte Bobcats ang Portland Trailblazers sa iskor nga 101-92 ug ang Memphis Grizzlies walay kukaluoy nga nimasaker sa Seattle Supersonics sa iskor nga 125-108.
- Latest
- Trending
