4th MLKP 21-under DBL mosikad na
Ang 4th M. Lhuillier Kwarta Padala Under-21 Development Basketball League sugdan karong adlawa diha sa Pajo National High School Gym.
Si league organizer ug M. Lhuillier Sports Development Foundation (MLSDF) executive director Eddie B. Ybañez miingon nga ang duha ka buwan nga torneyo gisalmotan og 16 ka koponan ug gibahin sa duha ka brackets.
Magkumbati sa bracket A mao ang University of the Visayas (UV)-Mandaue Academy, Paknaan, University of Southern Philippines-Foundation (USP-F), Firefly-Cebu Institute of Technology (CIT), Ave Maria Sanctuary Park/University of San Jose-Recoletos (USJ-R), Compostela, Agukoy Consolacion ug Brgy. Pajo.
Napundok sa bracket B mao ang MLSDF Selection, Salazar College of Science and Institute of Technology (SCSIT), Pajo NHS, Athletes for Christ through Evangelical Service (ACES), Consolacion NHS, Cebu Furniture/Lapu-Lapu City ug Garing NHS
Ang torneyo mosubay og single round robin format diin ang top four teams matag bracket moabante sa quarterfinals. Ang top two teams makabaton og “twice-to-beat” advantage batok sa no. 3 ug no. 4 squads.
Ang mga mananaog mopaso ngadto sa crossover semifinals diin ang bracket A topseed moaway sa bracket B no. 2 ug ang no. 1 sa bracket B makigsangka batok sa no. 2 sa backet A.
Ang molampos maoy mag-abot sa “best-of-three” finals.
- Latest
- Trending
