Si sports patron Jonathan ‘Atan’ Guardo modalit og birthday party alang ni reigning IBF/IBO flyweight champion Nonito ‘The Filipino Flash’ Donaire Jr. karong gabii diha sa City Sports Club-Cebu (CSCC) sa Cebu Business Park.
Saulogon karon ni Donaire ang iyang ika-25 nga adlaw’ng natawhan.
Matud ni Guardo nga mohatag sab siya ni Donaire og surprise birthday present nga iyang ipahibalo atol sa party.
Si Donaire, kinsa nagbitbit og 18-1 win-loss record ug adunay 11KOs hugtanon karong nag-ensayo sa nabantog nga ALA Boxing Gym agi'g pagpangandam sa umaabot niyang away batok sa Mehikanong si Luis Maldonado nga nagbitbit og 37-1-1 win-loss-draw uban ang 28KOs karong Disyembre 2 didto sa Foxwoods Casino sa Mashantucket, Connecticut.
Si Donaire nidaog og duha ka bakus pinaagi sa pag-knockout sa kanhi way pildeng Australian KO artist Vic ‘The Raging Bull’ Darchinyan sa ikalima nga round niadtong Hulyo 7 didto sa Harbour Yard Arena sa Bridgeport Connecticut.